Հարազատները կապ են հաստատել Ադրբեջանում գտնվող հայ գերիների հետ
Ադրբեջանում հայ 2 գերի՝ Անդրանիկ Ղազարյանին եւ Կարեն Ղազարյանին «Կարմիր խաչից» այցելել են։ Այս մասին «Հրապարակ»-ի հետ զրույցում ասաց Կարմիր խաչի միջազգային կոմիտեի հայաստանյան գրասենյակի հաղորդակցման ծրագրերի ղեկավար Զառա Ամատունին։
Նա նաեւ նշեց, որ իրենք պարբերաբար այցելություններ են իրականացնում․ «Բոլոր նրանց, ովքեր ղարաբաղյան հակամարտության առնչությամբ անազատության մեջ են գտնվում, մենք այցելել ենք սեպտեմբեր ամսին»։
Հարցին, թե հարազատները տեսակցե՞լ են, նշեց․ «Ես չեմ կարող դրա վերաբերյալ մեկնաբանություն անել, մենք որպես չեզոք միջոց օգնում ենք հարազատներին կապի մեջ լինել, այսքանը կարող եմ հաստատել։ Կապի տեսակի մասին չեմ կարող ասել, որովհետեւ տարբեր են դեպքերը, սովորաբար մեր կազմակերպությունն իր աշխատանքի ընթացքում ընձեռում է հնարավորությունը»։
Զառա Ամատունին չնշեց նաեւ, թե գերիների առողջական վիճակն ինչպիսին է։
Հիշեցնենք, որ օրեր առաջ Դավիթ Տոնոյանը չէր բացառել ադրբեջանցի դիվերսանտներին հանձնելու և հայ գերիների վերադարձի հնարավորությունը, սակայն հավելել էր, որ որոշողը Ստեփանակերտը պետք է լինի:
Կարծիքներ