Իսրայելը «բզկտում» է առանց այն էլ խոցված Սիրիային

Իսրայելի ռազմաօդային ուժերը հարվածներ են հասցրել սիրիական քաղաքներին՝ Բաշար Ասադի փախուստի հետ կապված շփոթության ֆոնին:

Ինչպես հայտնում են միջազգային ԶԼՄ-ները, Իսրայելի ռազմաօդային ուժերի ինքնաթիռները մասնավորապես մի շարք հարվածներ են հասցրել Սիրիայի մայրաքաղաք Դամասկոսի արվարձաններին։ 
Թիրախում հայտնվել է նաև քաղաքի ռազմական օդանավակայանը, որտեղ տեղակայված են Սիրիայի զինված ուժերի ուղղաթիռները։

Պատճառված վնասի մասին դեռ տեղեկություններ չկան։

Հիշեցնենք, որ Ասադի իշխանության տապալումից հետո Իսրայելի բանակը 1973 թ. ի վեր առաջին անգամ ներխուժել է Սիրիայի տարածք:

Հրեական պետության կառավարության ղեկավար Նեթանյահուն պնդում է, որ այդ գործողությունը կապված է սահմանային անվտանգության և թշնամական հնարավոր ուժերի դիմագրավման հետ: