McDonald’s-ում սկսել են արհեստական միս օգտագործել

McDonald’s-ում սկսել են արհեստական միս օգտագործել

Աշխարհում արհեստական մսի ամենախոշոր արտադրողներից Beyond Meat ընկերությունը պայմանավորվել է արագ սննդի մի շարք ցանցերի հետ՝ վերջիններիս արհեստական միս մատակարարելու համար։ Նշված ցանցերի շարքում է նաեւ McDonald’s-ը։ Այս մասին հայտնում է Business Insider պարբերականը։

McDonald’s-ը արհեստական միսը կիրառում է McPlant բուրգերում, սակայն մտադիր է նաեւ իր ճաշացանկի այլ ճաշատեսակները եւս ադապտացնել արհեստական մսին։

Ընդ որում, արհեստական միս կմատակարարի ոչ միայն Beyond Meat-ը այլ նաեւ Impossible Foods ընկերությունը։ Սպասվում է, որ McDonald’s-ում կհայտնվեն արհեստական խոզի միս, արհեստական ձու եւ արհեստական հավի միս։