Սասուն Խաչատրյանի հաղորդումով է Ազարյանի նկատմամբ վարույթ հարուցվել
Վերաքննիչ քրեական դատարանի դատավոր Ալեքսանդր Ազարյանին կարգապահական պատասխանատվության ենթարկելու վերաբերյալ միջնորդության քննության կապակցությամբ Բարձրագույն դատական խորհրդի նիստը նշանակվել է հունիսի 18-ին։ Այս մասին «Հրապարակ»-ը տեղեկացավ Բարձրագույն դատական խորհրդից։
Ըստ ԲԴԽ-ի՝ կարգապահական վարույթ հարուցելու հիմք է հանդիսացել Հատուկ քննչական ծառայության պետի կողմից արդարադատության նախարարին՝ մարտի 13-ին ուղղված հաղորդումը։ Հաղորդումն ուսումնասիրելով արդարադատության նախարարը Ազարյանի նկատմամբ հարուցել է կարգապահական վարույթ։
Ավելի վաղ, դատավորը մեզ հետ զրույցում ասել էր, որ Բարձրագույն դատական խորհրդի նիստի ժամանակ հարցուպատասխան է լինելու, այդ ժամանակ էլ կպատասխանի հարցերին։
Նշենք, որ ըստ տեղեկությունների՝ կարգապահական վարույթի հարուցման պատճառը «5-րդ ալիք» ՀԸ սեփականատեր Արմեն Թավադյանի խափանման միջոցի գործով դռնփակ դատական նիստում հնչեցված գնահատականն է:
Կարծիքներ