Նոյեմբերյանում նույնպես ընդդիմադիր ուժերը կմիավորվեն

Ինչպես ավելի վաղ տեղեկացրել ենք, «Ախուրյան» եւ «Հաղթանակ» ընդդիմադիր դաշինքները հանդես են եկել համագործակցության մասին հայտարարությամբ, ըստ որի Ախուրյան համայնքում միասնաբար կձեւավորեն տեղական իշխանություն։

Մեր տեղեկություններով, համագործակցության հայտարարությամբ հանդես կգան նաև Նոյեմբերյանի երկրորդ և երրորդ տեղը զբաղեցրած թեկնածուները՝ «Հանուն հանրապետության ժողովրդավարության պաշտպանների դաշինք» կուսակցությունը եւ «Ապրելու Երկիր» կուսակցությունը։ «Հանուն հանրապետության ժողովրդավարության պաշտպանների դաշինք» կուսակցությունը հավաքել է 2465 ձայն, իսկ «Ապրելու Երկիր» կուսակցությունը՝ 3 060։

ՔՊ-ն առաջատար է 3 656 ձայնով, սակայն մեծամասնություն չի ձեւավորել, չի ապահովվել 50 + ձայն։