Ռուսները «խեղճացե՞լ են». դիմել են թուրքերի օգնությանը

Ռուսաստանի Դաշնությունը Թուրքիայից օգնություն է խնդրել իր ռազմական կոնտինգենտը Սիրիայից դուրս բերելու համար, իր աղբյուրներին հղումով՝ գրում է CNN Turk-ը։ 

Հրատարակության տվյալներով՝ բացառություն են լինելու միայն Տարտուսի ռազմածովային բազայի և Խմեյմի ավիաբազայի ուժերը։ 

Այնուամենայնիվ, ըստ պարբերականի, Մոսկվան ներկայում ուղիներ և Անկարայի աջակցությունն է փնտրում իր զորքերի մի մասի անվտանգ դուրսբերման համար.

«Թվում է, որ այդ զորքերը կտեղափոխվեն թուրքական զինված ուժերի կողմից վերահսկվող տարածք, այնուհետև օդային ճանապարհով կուղարկվեն Ռուսաստան։ 

Ռուսաստանը նման օգնություն է խնդրել՝ իր զորքերը ապահով դուրս բերելու համար։ Բացի այդ, Իրանի վստահված ուժերը բավականին երկար ժամանակ է, ինչ արդյունավետ չեն գործում Սիրիայում»:

Հատկանշական է, որ մեկնաբանելով Սիրիայում տիրող իրավիճակն ու Ասադի իշխանության տապալումը, ԱՄՆ նորընտիր նախագահ Դոնալդ Թրամփը հայտարարել է, որ ՌԴ-ն բավարար աջակցություն չկարողացավ ցուցաբերել Դամասկոսի իշխանություններին:

Այդ համատեքստում, ըստ ամերիկացի առաջնորդի,  Մոսկվան և Թեհրանը գտնվում են տկարացած վիճակում: