Ասում են` դժբախտությունը լավ դպրոց է, գուցե, բայց երջանկությունը լավագույն համալսարանն է
Այսօր Երջանկության միջազգային օրն է: hraparak.am-ը ներկայացնում է ասույթներ երջանկության մասին:
Կարծել, թե մեկ ուրիշը կարող է քեզ երջանիկ կամ դժբախտ դարձնել, պարզապես ծիծաղելի է:
Բուդդա
Դեպի երջանկություն միայն մի ուղի կա`հաղթահարել անհանգստությունը, թե մենք ի վիճակի չենք ինչ-որ բան փոխելու:
Էպիկտետ
Սովորաբար երջանկությունն այցելում է երջանիկ մարդուն, դժբախտությունը` դժբախտին:
Ֆրանսուա դը Լարոշֆուկո
Երջանկությունը միայն ներկայում ապրելու մեջ է:
Պյութագորաս
Երջանիկ ապրելու համար պետք է հավատալ երջանկության հնարավորությանը:
Լև Տոլստոյ
Երջանկության իրական արժեքը գիտակցում են միայն այն ժամանակ, երբ այն արդեն գոյություն չունի:
Դանիել Զանդերս
Երջանի՛կ եղեք: Դա իմաստուն լինելու միջոցներից մեկն է:
Գաբրիել Քոլեթ
Յուրաքանչյուրը վազում է երջանկության հետևից` չնկատելով, որ այն քայլում է իրեն համընթաց:
Բերտոլդ Բրեխտ
Սիրված լինելը հարուստ լինելուց առավել է, քանի որ սիրված լինել նշանակում է երջանիկ լինել:
Կլոդ Թիլե
Կյանքում մեծագույն երջանկություն է, երբ մեզ սիրում են, սիրում են այն բանի համար, որ մենք այնպիսին ենք, ինչպիսին կանք, կամ սիրում են անկախ նրանից, թե մենք ինչպիսին ենք:
Վիկտոր Հյուգո
Փող, ժամանակ…երջանիկ է նա, ով չի հաշվում ո՛չ մեկը, ո՛չ մյուսը:
Ալեքսեյ Իվանով
Ասում են` դժբախտությունը լավ դպրոց է, գուցե: Բայց երջանկությունը լավագույն համալսարանն է:
Ալեքսանդր Պուշկին
Գործողությունները միշտ չեն բերում երջանկություն, սակայն չի լինում երջանկություն` առանց գործողությունների:
Բենջամին Դիզրաելի
Արե՛ք այն, ինչը ձեզ երջանիկ է դարձնում:
Օշո
Երջանկության համար կա՛մ պետք է նվազեցնել ցանկությունները, կա՛մ մեծացնել միջոցները:
Բենջամին Ֆրանկլին
Կյանքում միակ երջանկությունը անընդհատ առաջ շարժվելու ձգտումն է:
Էմիլ Զոլյա
Եթե ցանկանում եք, որ կյանքը ժպտա ձեզ, նախ նվիրեք նրան ձեր լավ տրամադրությունը:
Բենեդիկտ Սպինոզա
Մարդուն երջանիկ դարձնելու խնդիրը չէր մտնում աշխարհի ստեղծման պլաններում:
Զիգմունդ Ֆրեյդ
Մենք տիրապետում ենք միայն այն երջանկությանը, որն ի վիճակի ենք հասկանալու:
Մորիս Մեթերլինք
Առողջ աղքատը հիվանդ թագավորից երջանիկ է:
Արթուր Շոպենհաուեր
Յուրաքանչյուրն իր երջանկության դարբինն է:
Սալյուստիյ Գայ Սալյուստիյ Կրիսպ
Ես ծնվել եմ, և դա այն ամենն է, ինչ պետք է երջանիկ լինելու համար:
Ալբերտ Էյնշտեյն
Ես երջանիկ ու գոհ եմ, քանի որ այդպես եմ կարծում:
Ալեն Ռենե Լեսաժ
Ես երջանիկ եմ, քանի որ ժամանակ չունեմ մտածելու, որ երջանիկ չեմ:
Բերնարդ Շոու
Մի՛ վազիր երջանկության հետևից, այն միշտ քո ներսում է:
Պյութագորաս
Երջանկությունն այն չէ, որ միշտ անես, ինչ ցանկանում ես, այլ այն է, երբ միշտ ցանկանաս այն, ինչ անում ես:
Լև Տոլստոյ
Երջանկությունը երջանկության մեջ չէ, այլ այն ձեռք բերելու մեջ է:
Ֆեոդոր Դոստոևսկի
Պարտադիր չէ ապրել, բայց պարտադիր է երջանիկ ապրել:
Ժյուլ Ռենար
Երջանկության ու ներդաշնակության նշաններից է որևէ մեկին ինչ-որ բան ապացուցելու պահանջմունքի իսպառ բացակայությունը:
Նելսոն Մանդելա
Թարգմանությունը` hraparak.am-ի
Կարծիքներ