Պակիստան - Հնդկաստան պատերազմը շարունակվում է. մանրամասներ

Պակիստանի բանակի միջգերատեսչական հասարակայնության հետ կապերի վարչությունը հայտնել է, որ երկրի բանակը ոչնչացրել է Ջամմու և Քաշմիր շրջանի Բիրնալա հնդկական քաղաքի օդանավակայանը, երեք հնդկական անցակետ և այլն:

Միևնույն ժամանակ, Հնդկաստանի իշխանությունները հերքել են միջգերատեսչական ծառայության տեղեկատվությունը Հնդկաստանի Ադամպուր քաղաքում S-400 «Տրիումֆ» հակաօդային պաշտպանության համակարգի ոչնչացման մասին։ 

Հնդկաստանի կառավարության մամուլի ծառայությունը հայտարարում է, որ S-400 համակարգի ոչնչացման կամ որևէ վնասի մասին հաղորդագրությունները անհիմն են։

Յոթի խմբի (G7) երկրները կոչ են արել Հնդկաստանին և Պակիստանին նվազեցնել տարածաշրջանում լարվածությունը և անմիջական երկխոսության մեջ մտնել։ 

Ռազմական էսկալացիան լուրջ սպառնալիք է ներկայացնում տարածաշրջանային կայունության համար, ասվում է միջազգային ակումբի համատեղ հայտարարության մեջ։ Երկու երկրներն էլ մտահոգված են երկու կողմերի քաղաքացիական բնակչության անվտանգությամբ։

ԱՄՆ պետքարտուղար Մարկո Ռուբիոն Պակիստանի բանակի գլխավոր գեներալ Ասիմ Մունիրի հետ հեռախոսազրույցի ժամանակ առաջարկել է օգնել Հնդկաստանի հետ հակամարտության կարգավորմանը։