Սերժ Սարգսյանը որևէ քրեական գործով կասկածյալի կամ մեղադրյալի կարգավիճակ չունի

ՀՀ երրորդ նախագահ  Սերժ Սարգսյանը որևէ քրեական գործով, այդ թվում՝ մարտիմեկյան կասկածյալի կամ մեղադրյալի կարգավիճակ չունի։ Այս մասին «Հրապարակ» -ին հայտնեց ՀՔԾ մամուլի քարտուղար Մարինա Օհանջանյանը։

Հիշեցնենք, որ Վատիկանում ՀՀ նախկին դեսպան Միքայլել Մինասյանի հարցազրույցից հետո, որում հայտնվում էր, որ ՀՀ երրորդ նախագահը առաջիկայում կկալանավորվի, այս վարկածը ՀՀԿ-ական, ՀՀԿ-ամերձ և այլ աղբյուրների կողմից ոչ միայն շրջանառվում է, այլ լրացվում է այլ մանրամասներով։ Մասնավորապես, գրվել էր նաև, որ Սերժ Սարգսյանը կձերբակալվի մինչև սեպտեմբերի սկիզբ։ Իշխանություններին լոյալ անձինք էլ իրենց ֆեյսբուքյան գրառումներում նշում են, որ վարկածը կեղծ է և ինչ-ինչ քաղաքական նպատակներ է հետապնդում։