Ես այն չեմ, ինչն ինձ հետ պատահել է, ես այն եմ, ինչ որոշել եմ դառնալ․ Կարլ Գուստավ Յունգ
• Ինչը ձեզ զայրացնում է ուրիշների մեջ, կարող է հանգեցնել ինքներդ ձեզ հասկանալուն:
• Միայնությունը պայմանավորված է ոչ թե շրջապատում մարդկանց բացակայությամբ, այլ մարդկանց հետ խոսելու անհնարինությամբ այն մասին, ինչը կարեւոր է թվում:
• Դեպրեսիան նման է սեւազգեստ կնոջ: Եթե եկել է, մի՛ վանիր հեռու, այլ հրավիրիր սեղանի մոտ, ինչպես հյուրի, եւ լսիր այն ամենը, ինչ նա մտադիր է ասել:
• Երկու մարդու հանդիպում նման է երկու քիմիական տարրի հանդիպման: Փոխարկում կարող է տեղի չունենալ, իսկ եթե տեղի է ունենում, փոխվում են երկուսն էլ:
• Ինքդ քեզ հետ հանդիպումն ամենատհաճներից է:
• Կախվածության ցանկացած տեսակ տհաճ է թե՛ ալկոհոլից, թե՛ թմրանյութից, թե՛ իդեալիզմից:
• Մի՛ պահիր նրան, ով հեռանում է քեզնից, այլապես չի հայտնվի նա, ով գալիս է քեզ մոտ:
• Երեխայի ուսերին դրված ամենածանր բեռը նրա ծնողների չապրած կյանքն է:
• Մարդը խենթացած կենդանի է: Այդ խենթությունից երկու ելք կա. կա՛մ նա պետք է նորից կենդանի դառնա, կա՛մ դառնա ավելի բարձր, քան մարդն է:
• Քո ներսի խավարը ճանաչելը լավագույն միջոցն է ուրիշների խավարը հաղթելու համար:
• Մահը, եթե հոգեբանորեն ճիշտ մոտենաս նրան, ոչ թե վերջն է, այլ` նպատակը:
• Այն, ինչին դու ընդդիմանում ես, մնում է քեզ հետ:
• Երբ մենք չենք գիտակցում, թե ինչ է մեր ներսում կատարվում, մեզ թվում է, թե դա ճակատագիր է:
• Մարդիկ կանեն ամեն անհնարինը, որպեսզի խուսափեն դեմ առ դեմ իրենց հոգու հետ հանդիպումից:
• Ես այն չեմ, ինչն ինձ հետ պատահել է, ես այն եմ, ինչ որոշել եմ դառնալ:
• Երեխաները սովորում են ծնողների օրինակից, ոչ թե նրանց բառերից:
• Սիմվոլը միշտ ներառում է ավելի մեծ իմաստ, քան նրա ակնառու եւ միանգամից մտքին եկած նշանակությունն է:
• Եթե դուք օժտված մարդ եք, ապա դա ոչ թե նշանակում է, որ դուք ինչ-որ բան եք ստացել, այլ որ ինչ-որ բան ունեք տալու:
• Ինքն իրենով կյանքը նշանակություն չունի այնքան ժամանակ, քանի դեռ չի հայտնվում մեկը, ով փորձում է մեկնաբանել այն:
• Բոլոր հոգեկան հիվանդությունների հիմքում ընկած է վաստակած տառապանքը չապրելու ցանկությունը:
• Մենք ձգվում ենք դեպի անցյալ` մեր ծնողների մոտ, դեպի ապագա` մեր երեխաների մոտ, որը մենք երբեք չենք տեսնելու, սակայն որոնց մասին ցանկանում ենք հոգ տանել:
Անահիտ ԳԵՎՈՐԳՅԱՆ
Կարծիքներ