ՊՆ-ի՝ Սյունիքում տիրող իրավիճակի մասին հաղորդագրության շուրջ
ՀՀ ՊՆ- ի հաղորդագրությունից տեղեկանում ենք, որ «մայիսի 12 - ի վաղ առավոտյան ադրբեջանական զինուժը, «սահմանների ճշգրտման» հիմնավորմամբ, փորձել է որոշակի աշխատանքներ իրականացնել Սյունիքի սահմանային հատվածներից մեկում, հայկական ստորաբաժանումների ձեռնարկած միջոցառումներից հետո ադրբեջանական զինվորականները դադարեցրել են այդ աշխատանքները»։
Բացի դրանից, գրեթե ամենօրյա ռեժիմով ասվում է. «Հայաստանի պետական սահմանի հայ-ադրբեջանական շփման գծի ամբողջ երկայնքով սահմանային միջադեպեր չեն արձանագրվել, պահպանվել է կայուն օպերատիվ մարտավարական իրավիճակ»: Ի՞նչ նպատակով է սա արվում, մարդկանց սարսափի մեջ պահելու՞ համար: Բայց նույնիսկ Հայրենական պատերազմի ժամանակ Совинформбюро-ի հաղորդագրություններն այդպիսին չեն եղել: Դրանք համապատասխանել են իրականությանը, բայց սարսափ չեն առաջացրել, այլ ստիպել են մարդկանց սեղմել ատամները, լցվել վճռականությամբ, ինչն արտահայտվել է լակոնիկ կարգախոսերում. «Наше дело правое», «Враг будет разбит!», «Победа будет за нами!».
«…Оставили города…» «թվարկման ժամանակ ձայնը սառցակալում էր, հնչում էր ավելի ուժեղ, հստակ, չթաքցնելով ռազմական պարտությունները: Սակայն գերիշխում էր հավատը: Այն ոչ թե գուշակվում էր, այլ՝ գերակշռում», – իր և իր գործընկերների աշխատանքի մասին հիշում էր Յու. Բ. Լևիտանը:
Ադրբեջանցիները հայտնում են, որ «ամբողջ երկայնքով վերահսկվում է օպերատիվ մարտավարական իրավիճակը»: Այսինքն, մենք ասում ենք պահպանվել է (հայտնի չէ, թե ով է պահպանել, ուղղակի՝ պահպանվել է, ինքնիրեն), իսկ նրանք ասում են, որ վերահսկում են: Ցավալի է, որ զինադադարից ի վեր, նման հաղորդագրությունների պակաս չի զգացվում: Գուցե ժամանակն է փոխել հաղորդագրությունների բավանդակությունը:
Ցանկալի է նաև, որպեսզի հակառակորդի ՊՆ-ի հաղորդագրությունները լինեն այսպիսին. օրինակ, «մայիսի 13-15-ը ընկած ժամանակահատվածում հայկական զինուժը, «սահմանների ճշգրտման» հիմնավորմամբ, փորձել է որոշակի աշխատանքներ իրականացնել Արաքս գետից մինչև Ղազախ սահմանային հատվածներում, ադրբեջանական ստորաբաժանումների ձեռնարկած միջոցառումներից հետո հայկական զինվորականները դադարեցրել են այդ աշխատանքները»:
Այ քեզ բան, դիվանագիտական և ընդհանրապես ոչ մի անմիջական հարաբերություն չունեցող երկու երկրից մեկը կատարում է կամայական «սահմանների ճշգրտում»…մյուս երկրի հովիվների հետ: Ենթադրաբար, մեր երկրում GPS սարքավորումներ կլինեն: Դրանք պետք է բաժանել սահմանային գոտու բոլոր բնակիչներին, զորամասերի զինվորականներին: Պետք է սկսել սահմանների զանգվածային ճշգրտումները, որպեսզի ադրբեջանական լրատվամիջոցներն ասելու բան ունենան:
Թող իրենք բողոքեն միջազգային ատյաններ, այլ ոչ մենք:
Ի դեպ, 1942 թվականի հունիսից ԽՍՀՄ-ում սկսվեցին ռադիոհաղորդումներ պարտիզանների և օկուպացված շրջանների բնակիչների համար: Հետևաբար, թվում է նպատակահարմար, օկուպացված Նախիջևանի, Շուշիի և Հադրութի բնակիչների համար ռադիո - և հեռուստահաղորդումներ կազմակերպելը: Միաժամանակ, վատ չէր լինի ծավալել պարտիզանական շարժում՝ Նախիջևանի և Արցախի օկուպացված տարածքներն ազատագրելու համար:
Այսպիսի իրադարձություններն են արժանի լուսաբանելու, այլ ոչ նրանք, թե ինչպես են օրեցօր հաբրգում քոչվորները:
Գագիկ Վարդանյան
Կարծիքներ