Xiaomi-ի սմարթֆոնները կկարողանան գտնել թաքնված տեսախցիկները
Նարեկ Հարությունյան
9 Օգոստոս 2024 | 15:15
0
Xiaomi-ի թողարկած սմարթֆոնները կունենան հատուկ հարմարանք, որոնք կկարողանան գտնել թաքնված տեսախցիկները։ Այս մասին հայտնում է Notebook Check-ը։ Համաձայն հաղորդման, թաքնված տեսախցիկների հայտնաբերման ֆունկցիան աշխատում է օգտագործելով անլար ցանցի ազդակների հայտնաբերման մեխանիզմը։
Նոր ֆունկցիայի գործարկման համար, անհրաժեշտ է սեղմել «StarScan» կոճակը եւ սպասել մինչեւ որոնումն ավարտվի։ Որոնման ավարտից հետո, սմարթֆոնը հաղորդում է տեսախցիկների առկայության մասին։
Նշենք, որ հնարավոր թաքնված տեսախցիկների հայտնաբերման համար սմարթֆոնը սքանավորում է շրջակայքում եղած «վայ-ֆայ» ցանցը։ Այս ֆունկցիան, ըստ մասնագետների, օգտակար կլինի նրանց համար, ովքեր հաճախ են ճամփորդում եւ հայտնվում անծանոթ վայրերում։
Կարծիքներ