Ռուսները չեն կարող թռչել Հայաստան. ի՞նչ է կատարվում

Մոսկվայի «Դոմոդեդովո» օդանավակայանում ութժամյա ուշացումներ են եղել. ուղևորները չեն կարող թռչել Թուրքիա և Հայաստան, հայտնում են ռուսական տելեգրամյան ալիքները։

Ինչպես նշել են արգելափակված ուղևորները, «Ուրալի ավիաուղիներ»-ը խնդիրներ ունի, թռիչքներն առանց պատճառի հետաձգվում են, և նրանք չեն կարող Անթալիա թռչել ցերեկվա ժամը մեկից։

«Ներսում շատ երեխաներ ու թոշակառուներ կան։ Մոտ երկու ժամ առաջ ընկերության ներկայացուցիչը եկավ մարդկանց մոտ, խոստացավ ջուր տալ, ու անհետացավ։ Հարցերին չպատասխանեց»,-պատմել է ուղևորներից մեկը:
Տուրօպերատորները վստահեցնում են հաճախորդներին, որ իրենց հարցումները նույնպես անպատասխան են մնում: