Ես զտարյուն հայուհի եմ, մեր ընտանիքում և՛ խաշ են պատրաստում, և՛ հայերեն երգեր են երգում․ Մարգարիտա Սիմոնյան

Ես զտարյուն հայուհի եմ, մեր ընտանիքում և՛ խաշ են պատրաստում, և՛ հայերեն երգեր են երգում․ Մարգարիտա Սիմոնյան

RT-ի գլխավոր խմբագիր Մարգարիտա Սիմոնյանն Ինսթագրամի իր էջում գրել է․


«Ինձ հաճախ հարցնում են՝ արդյոք ես և իմ երեխաները խոսում ենք հայերեն, և որտեղ է իմ հայրենիքը:

Պատասխանում եմ․

Ես, ծնողներս, իմ տատիկներն ու պապիկները ծնվել են և իրենց ամբողջ կյանքն ապրել Ռուսաստանում: Այդպիսով, իմ հայրենիքը Ռուսաստանն է․ ուրիշ հայրենիք ես չեմ կարող ունենալ:

Հայաստանը գեղեցիկ երկիր է, ես այնտեղ երկու անգամ եմ եղել, մեկ անգամ՝ Պուտինի հետ գործուղման, երկրորդ անգամ՝ Տիգրանի և նրա ընկերների հետ արձակուրդի ժամանակ:

Ժամանակակից Հայաստանի տարածք ոտք չի դրել ինձ հայտնի նախնիներից որևէ մեկը։ Ընդ որում, ես զտարյուն հայուհի եմ, մեր ընտանիքում և՛ խաշ են պատրաստում և՛ հայերեն երգեր են երգում, և ես ինքս հաճույքով պարում եմ հայկական ավանդական պարեր, սակայն հայերեն չեմ խոսում, նույնիսկ չեմ հասկանում։

Մի փոքր հասկանում եմ համշենահայերենը, քանի որ շատ ժամանակ եմ անցկացրել Ադլերում։ Գրական հայերեն նույնիսկ իմ ծնողները չգիտեն․ նրանք տանն էլ երբեք հայերեն չեն խոսել։ Իհարկե, լավ կլիներ իմանալ սեփական նախնիների լեզուն, բայց նրանք ինձ չեն սովորեցրել, իսկ իմ նախնիների լեզուն սովորել ինչպես օտար լեզուն կսովորեի՝ չեմ ուզում:

Այդ սխալը ես շտկում եմ իմ երեխաների հետ: Մանկուց նրանք խոսում են, կարդում և գրում հայերենով: Ավելին, Ադլերում ես պնդել եմ, որ հարազատներս իրենց հետ հայերեն խոսեն, որպեսզի նրանք գոնե հասկանան այդ լեզուն, այն լեզուն, որով խոսել են իմ նախնիները: