Ղազարյանը հուսահատված է, որ կորոնավիրուսի պատճառով այսօր չի խաղալու Հյուսիսային Մակեդոնիայի ընտրանու դեմ

Հայաստանի ազգային հավաքականի առաջատարներից Գևորգ Ղազարյանի և հավաքականի ևս 3 ֆուտբոլիստների մոտ ինչպես հայտնի է կորոնավիրուս է հայտնաբերվել, նրանք այսօր չեն կարողանա մասնակցել Ազգերի լիգայի վերջին 6-րդ տուրի շրջանակում կայանալիք Հյուսիսային Մակեդոնիայի դեմ խաղից։

Ղազարյանը սոցցանցերում գրառում է կատարել իր կորոնավիրուսով վարակվելու մասով, նշել, որ հուսահատված է։

«Կորոնավիրուսի թեստիս պատասխանը դրական է եղել և շատ հուսահատված եմ, որ բաց եմ թողնելու այսօրվա հանդիպումը, ինչպես նաև ԱԵԼ-ին չեմ օգնի կարևոր մրցակիցների դեմ հանդիպումներում: Սակայն ոչ մի վիճակ, հիվանդություն կամ վնասվածք չեն կարող ազդել իմ առջև դրված նպատակներին հասնելու կամքի ու վճռականության վրա, որոնք իմ առջև դրել եմ Հայաստանի ազգային հավաքականում ու ԱԵԼ-ում: Իմ վերադարձը կլինի ավելի ուժեղ, քան իմ բացակայությունը»,- գրել է Գևորգ Ղազարյանը: 

Հիշեցնենք, որ այս հանդիպումը մեր հավաքականի համար պետք է լիներ տնային հանդիպում, սակայն ստեղծված իրավիճակով պայմանավորված, ՈՒԵՖԱ-ի որոշմամբ, խաղը Երևանի Վազգեն Սարգսյանի անվան «Հանրապետական» մարզադաշտի փոխարեն կանցկացվի Կիպրոսի մայրաքաղաք Նիկոսիայի GSP ստադիոնում, այն կմերկնարկի Երևանի ժամանակով 21:00-ին: 

Ղազարյանից բացի կորոնավիրուսով են վարակվել  Սարգիս Ադամյանը, Անդրե Կալիսիրը և դարպասապահ Գրիգոր Մելիքսեթյանը: