Սխրանքներ գործող մարդը նման արտահայտություն թույլ չէր տա
Հարց նախկիններին
«Երկու հոգի գնում մոլորվում են, իշխանություննե՞րն են մեղավոր»։ Այս խոսքերի հեղինակը, սովորական, քպական պատգամավոր չի։ Սա երկար տարիներ ծառայել է ՀՀ զինված ուժերում, ունեցել գեներալ-լեյտենանտի կոչում, եղել ՀՀ ՊՆ փոխնախարար։ Աներևակայելի է, որ որևէ երկրում, այսպիսի արտահայտություն աներ, թեկուզ պաշտոնաթող բարձրաստիճան զինվորական։ Հարցս ուղղում եմ նախկիններին․
- Հարգելիներս, Գագիկ Մելքոնյանի ո՞ր արժանիքների համար եք, նրան շնորհել գեներալ-լեյտենանտի կոչում և նշանակել ՊՆ փոխնախարար։ Որքան էլ թվարկվեն նրա «սխրագործությունները» , չեմ հավատա, քանի որ սխրանքներ գործող մարդը չէր հպատակվի հայրենիք հանձնողին և իրեն նման արտահայտություն թույլ չէր տա։Իսկ գուցե, նա ունի բարձր ինտելեկտ և կազմակերպչական շնո՞րհք։ Միայն նրա դեմքի արտահայտությունը ցույց է տալիս նրա մակարդակը։ Եվ որքա՞ն են եղել նման գեներալները։
Ավետիք Իշխանյան
Կարծիքներ