Միայն Թրամփի և Պուտինի հանդիպումը վերջ կդնի պատերազմին. պետքարտուղար

Ուկրաինայում հակամարտության կարգավորման միակ ճանապարհը կլինի ԱՄՆ-ի և Ռուսաստանի նախագահներ Դոնալդ Թրամփի և Վլադիմիր Պուտինի հանդիպումը։ Այս մասին հայտարարել է ԱՄՆ պետքարտուղար Մարկո Ռուբիոն։

«Անկեղծ ասած, այս պահին կարծում եմ, որ բավականին պարզ է, որ այստեղ առաջընթացի հասնելու միակ ճանապարհը նախագահ Թրամփի և նախագահ Պուտինի միջև համաձայնության գալն է», - ասել է Ռուբիոն։ 

Այս մասին նա հայտարարել է Fox News հեռուստաալիքի եթերում։

Ամերիկյան դիվանագիտության ղեկավարի խոսքով՝ ուկրաինական ճգնաժամի լուծման գործում առաջընթաց չի լինի, եթե երկու երկրների առաջնորդները չհանդիպեն «անկեղծ և անմիջական զրույցի» համար։ 

Ռուբիոն նշել է, որ Թրամփը պատրաստ է խոսել Ռուսաստանի առաջնորդի հետ։

Ռուսաստանի նախագահ Վլադիմիր Պուտինը նախկինում առաջ էր քաշել Ուկրաինայի հետ ուղիղ բանակցություններ անցկացնելու նախաձեռնությունը՝ դրանք նշանակելով մայիսի 15-ին։ Հանդիպման վայր էր ընտրվել Ստամբուլը, որտեղ 2022 թվականին արդեն անցկացվել էին Ռուսաստանի և Ուկրաինայի պատվիրակությունների միջև կոնսուլտացիաներ հակամարտության կարգավորման վերաբերյալ։

Ռուսաստանի պետության ղեկավարը ընդգծել է, որ Մոսկվան որևէ նախապայման չի առաջադրում նոր բանակցություններ սկսելու համար։

Բանակցությունները նախանշված են այսօր՝ կրկին Ստամբուլում: