«Հրապարակ». «Պատահականություն է», որ բոլոր կասկածյալներն իշխանության ընդդիմախոսներն են

Իհարկե, ՍԴ նախագահ Հրայր Թովմասյանի նկատմամբ ոչ մի քաղաքական հետապնդում չի իրականացվում, ընդամենը առաջարկում են՝ դիմում գրի-գնա, չի գրում՝ քրգործ են հարուցում, որ հասկանա՝ «ուզի-չուզի, պետք է գրի»։ Իհարկե, «Ադեկվադներին» դիմակավորված անձանց միջոցով գետնին պառկեցնելով բերման ենթարկելու մեջ ոչ մի քաղաքական բան չկա՝ կասկածներ կային զենքի-թմրանյութերի, բերել են ոստիկանություն, պարզվել է՝ չկա, բաց են թողել։ Իհարկե, «անտիֆեյք» կայքի ղեկավար Նարեկ Սամսոնյանին բերման ենթարկելն էլ է օրինական, ուղղակի պատահականություն է, որ կայքը բացահայտում է իշխանությունների թաքուն կյանքը։ Ու պատահականություն է, որ բոլոր կասկածյալներն իշխանության ընդդիմախոսներն են։