Մերկելը հայտարարել է, որ Գերմանիայում կարանտինային սահմանափակումները կմեղմացվեն

Գերմանիայի կանցլեր Անգելա Մերկելը հայտարարել է, որ երկրում սկսվում է հակակորոնավիրուսային կարանտինային միջոցների մեղմացումը։ Այս մասին հայտնում է РИА Новости լրատվական գործակալությունը։ Նա ասել է, որ արդեն մարտի ութին այն ռեգիոններում, որտեղ շաբաթական նոր վարակվածների թիվը 100 հազար մարդու հաշվով չի գերազանցի 50-ի ցուցանիշը, կկարողանան բացել մանրածախ խանութները, իսկ այն երկրում, որտեղ ցուցանիշը ավելի բարձր է, կշարունակվի օնլայն պատվերով առեւտուրը։

Միաժամանակ, մարտի 22-ից ռեգիոններում, որտեղ վարակման ցուցանիշները մեծ չեն, կկարողանան վերաբացել հանրային սննդի օբյեկտները։ Նույն սխեման տարածվում է նաեւ թատրոնների, կինոթատրոնների եւ օպերաների ու համերգասրահների վրա։