Գյումրիում ձկնորսները պատրաստվում են բողոքի ակցիայի. նրանց զրկում են օրվա հացից
Գյումրիում ձկնորսությամբ զբաղվող մի շարք քաղաքացիներ դիմել են hraparak.am-ին՝ տեղեկացնելով,որ վաղը՝ հունիսի 17-ի առավոտյան, պատրաստվում են բողոքի ակցիայով հանդես գալ եւ իրենց պահանջն ու խնդրանքը ներկայացնել Շիրակի մարզպետին:
«2014թ-ից մեր հացը վաստակում ենք Վրաստան մեկնելով:Այնտեղ՝ Կարզախի գետից ձկներ ենք որսում՝ վճարելով ընդամենը 10լարի, եւ յուրաքանչյուրս մոտ20-25կգ ձուկ ենք բերում Հայաստան,որը վաճառելով 8-10հզր դրամ,մեր երեխաներին կարողանում ենք պահել:Երեկ հանկարծ տեղեկացանք, որ Բավրայի անցակետից մեզ 5կգ-ից ավել ձուկ չի թուլատրվում անցկացնել :Մաքսայինից մեզ ասացին,որ որոշումը կայացրել է ՊԵԿ-ը:Մենք էլ որոշել ենք՝ մեր հարցը մարզպետի միջոցով հասցնել նախարարություն:Վաղը մոտ 160 ձկնորսներով հրապարակից շարժվելու ենք,ոտքի ենք կանգնելու ու պիտի մեզ լսեն,պետք լինի,փողոց կփակենք»,-մեզ հետ զրույցում իրավիճակը ներկայացրեց գյումրեցի ձկնորս Ազատ Սանթուրյանը՝ հուսահատված ընդգծելով,որ ստեղծված պայմաններում իրենք զրկվում են օրվա հացից:Մեր զրուցակցի խոսքերով՝ Շիրակի մարզում ձկնորսությամբ զբաղվելու հնարավորությունը խիստ սահմանափակ է: «Մեզ անցաթուղթ են տրամադրել,որ Ախուրյանի ջրամբարից կարողանանք ձուկ որսալ, բայց 25 կմ ձգվող տարածքից ընդամենը կես կմ տարածքն է թուլատրելի: Չեմ ասում ռուս սահմանապահների պահը,որ անցնել չեն թըղնում:Այդ փոքր տարածքից քանի՞ կգ ձուկ պիտի որսանք,որ տուն պահենք:Ովքեր հին անուններ ունեն,ծանոթներ, նրանց թողնում են»,-սրտնեղած ասաց նա:
Կարծիքներ