Միշել, Զելենսկի, Միշուստին. ովքե՞ր են մեկնելու Բաքու

Մեծ Բրիտանիայի վարչապետ Քիր Սթարմերը, Ուկրաինայի նախագահ Վլադիմիր Զելենսկին, Սաուդյան Արաբիայի թագաժառանգ Մուհամմեդ բեն Սալմանը, Իտալիայի վարչապետ Ջորջիա Մելոնին, Եվրոպական խորհրդի նախագահ Շառլ Միշելը և մի շարք այլ համաշխարհային առաջնորդներ կգան Բաքու՝ մասնակցելու COP29-ին, որը տեղի կունենա նոյեմբերի 11-12-ը:

Այս մասին հայտնում են ադրբեջանական ԶԼՄ-ները՝ հղում կատարելով ՄԱԿ-ի կլիմայի փոփոխության կայքին։

Ռուսաստանը COP29-ին կներկայացնի վարչապետ Միխայիլ Միշուստինը։
Հայտնի է նաև, որ Գերմանիայի կանցլեր Օլաֆ Շոլցը չի մեկնի Բաքվի գագաթնաժողով:

Հիշեցնենք, որ ՀՀ իշխանությունները հայտնել են, որ դեռ Բաքու մեկնելու հարց օրակարգում չկա: