Բանավոր խնդրել եմ քաղաքապետի համաձայնությունը`այլ աշխատանքի տեղափոխվելու համար
Փոխքաղաքապետ Հայկ Սարգսյանը գրել է․
«Որոշ լրատվականների՝ կեղծիք ու բամբասանք տարածելու մոլուցքը հասել է երեւակայության գագաթնակետին:
Զարմանում եմ, որ մինչև հիմա Ալ Քաիդայում անդամակցություն մեզ չեն «մեղսագրել»:
Ազատման դիմում չեմ ներկայացրել, ընդամենը բանավոր խնդրել եմ քաղաքապետի համաձայնությունը` այլ աշխատանքի տեղափոխվելու համար:
Սպասում եմ պարոն քաղաքապետի որոշմանը:
Այնպես որ, ցավում եմ պարոնայք, էլի նորմալ վաճառվող սենսացիա չեք ունենա»։
Հիշեցնենք, որ ավելի վաղ մենք գրել էինք, որ մենք տեղեկություններ ենք ստացել, որ Վահագն Վերմիշյանի գործով անցնում է նաեւ Երեւանի փոխքաղաքապետերից Հայկ Սարգսյանը, նույն այդ տեղեկություններով՝ հենց Սարգսյանն է վերահսկել շինարարական ոլորտը։
Փորձեցինք մեկնաբանություն ստանալ փոխքաղաքապետից։ Ի պատասխան ասաց՝ ինքը նման տեղեկություն չունի, հավանական էլ չի համարում որեւէ փոխքաղաքապետի ներգրավվածությունն այդ գործին։
Հարցին՝ ինքը որեւէ առնչություն չունի՞, նշեց․ «Ոչ, եւ այսքանով ավարտենք դատարկ խոսակցությունը»։
Կարծիքներ