Ստորագրահավաք՝ «Հայաստանի կորսված գարունը» ցուցադրելու պահանջով
change.org-ում ստորագրահավաք է սկսվել՝ պահանջով Հ1-ով ցուցադրել «Հայաստանի կորսված գարունը» ֆիլմը։
«Պահանջում ենք Հայաստանի Հանրային հեռուստատեսության եթերում ցուցադրել «Հայաստանի կորսված գարունը» փաստավավերագրական ֆիլմը։
Հաշվի առնելով Հայաստանի Հանրապետությունում տեղի ունեցած համաժողովրդական հեղափոխությունից հետո ազատ մամուլի ու ազատ խոսքի համար առաջացած հնարավորությունները ինչպես նաև հանրության իրազեկված լինելու և անաչառ տեղեկատվություն ստանալու իրավունքը ինչպես նաև նախորդ տասնմեկ տարիների ընթացքում ապատեղեկատվության և մեդիա մանիպուլյացիաների հսկայածավալ բնույթը, դիմում ենք Հանրային Հեռուստառադիոընկերության խորհրդի նախագահ Ռուբեն Ջաղինյանին՝ պահանջելով Հանրայինի հեռուստատեսության եթերով ցուցադրել ռեժիսոր Տիգրան Պասկևիչյանի հեղինակած «Հայաստանի կորսված գարունը» փաստավավերագրական ֆիլմը:
Նախկին ռեժիմի պայմաններում այդ ֆիլմի ցուցադրությունը օբյեկտիվ հանգամանքների բերումով անհնարին էր, քանի որ մերկացնում էր քոչարյանա-սերժական ռեժիմի հանցավոր և մարդասպան բնույթը:
Թավշյա հեղափոխությունից հետո այս ֆիլմի ցուցադրությունը ինչպես նաև Մարտի 1-ի գործի ամբողջական և համակողմանի բացահայտումը դարձել է հրամայական:
Հանրությունը իրավունք ունի իմանալու ողջ ճշմարտությունը Մարտի 1-ի վերաբերյալ:
Մենք՝ ներքոստորագրյալ քաղաքացիներս, գտնում ենք, որ պարտադիր է ցուցադրել «Հայաստանի կորսված գարունը» փաստավավերագրական ֆիլմը, որը հասարակությանը անաչառ կներկայացնի 2008թ-ին տեղի ունեցած դեպքերը»,- նշված է հայտարարության մեջ։
Կարծիքներ