Ռոբերտ Քոչարյանը դատական նիստին չի մասնակցում
Երեւանի ընդհանուր իրավասության դատարանի Կենտրոնի նստավայրում սկսվեց երկրորդ նախագահ Ռոբերտ Քոչարյանի կալանքը երկու ամսով երկարացնելու նախաքննական մարմնի միջնորդությունը։
«Հրապարակ»-ը տեղեկացավ, որ Ռոբերտ Քոչարյանը նիստին չի մասնակցում։
Մինչ նիստի մեկնարկը Քոչարյանի պաշտպանները լրագրողներին ասացին, որ այս պահին ոչինչ չեն կարող ասել։ Կխոսեն նիստի ավարտից հետո։
Վճռաբեկ դատարանը երեք ամսվա ընթացքում պետք է որոշում կայացնի վարույթ ընդունել-չընդունելու մասին։ Երևանի ընդհանուր իրավասության դատարանը Ռոբերտ Քոչարյանի նկատմամբ կալանքը որպես խափանման միջոց ընտրել էր հուլիսի 27-ին: Օգոստոսի 13-ին, սակայն, վերաքննիչ դատարանը վերացրել էր առաջին ատյանի դատարանի այդ որոշումը՝ Սահմանադրությամբ նախագահին տրված անձեռնմխելիության հիմքով:
Հիշեցնենք, որ երկրորդ նախագահը մեղադրվում է Մարտի 1֊ի քրեական գործով` սահմանադրական կարգը տապալելու մեջ. նա իրեն առաջադրված մեղադրանքը չի ընդունում։
Կարծիքներ