Չի կարելի մեր կյանքի համար պատասխանատուներ ընտրել անպատասխանատու ու արկածախնդիր մարդկանց

Չի կարելի մեր կյանքի համար պատասխանատուներ ընտրել անպատասխանատու ու արկածախնդիր մարդկանց

2018 թվականը մեծ դաս էր Հայաստանի ապագա իշխանությունների, ինչպես նաեւ՝ ժողովրդի համար։ Այս մասին այսօր՝ հունիսի 4-ն, ֆեյսբուքյան իր էջում գրել է քաղաքագետ Ստեփան Դանիելյանը։

Նա, մասնավորապես, գրել է.

«2018 թվականը մեծ դաս էր Հայաստանի ապագա իշխանությունների, ինչպես նաեւ՝ ժողովրդի համար

1. Իշխանությունների համար դասը

Իշխանությունը չպետք է լկտիանա եւ իրեն անպատասխանատու զգա: Եթե նախկինում կարծում էին, որ ժողովուրդն ունակ չի փոխել կառավարությունը, ապա հիմա այդպես էլ չեն կարծելու: Պետք է իմանան, որ միշտ գալու է պահը, երբ իրենց քայլերի ու ամենաթողության համար պատասխան են տալու:

2. Ժողովրդի համար դասը

Ժողովուրդը նույնպես կարեւոր դաս է ստացել. ամեն մի պոպուլիստ ու ամբոխավար չի կարող կառավարել երկիրը: Պետք է ուշադիր լինել դրանց կառավարման փորձի ու ունակությունների հանդեպ: Չի կարելի մեր կյանքի համար պատասխանատուներ ընտրել անպատասխանատու ու արկածախնդիր մարդկանց: Դրա գինը չափազանց բարձր է»։