Անվճար հեծանիվի վերանորոգում, եթե գիտեք Շիրազի 4 բանաստեղծություններից մեկը
Գյումրիում գտնվող Հովհաննես Շիրազի տուն-թանգարանը նոր,կրեատիվ գաղափարով է հանդես եկել: Թանգարանի ֆեյսբուքյան էջը լուսանկար է տարածել՝ կից նշելով.
«Այսպիսի հայտարարություն կարող էր լինել միայն Գյումրիում:
Մեր օրերում սա ուղղակի անհավատալի է…»:
Իսկ լուսանկարում գրված է, որ անվճար իրենց հեծանիվները կարող են վերանորոգել տալ բոլոր նրանք, ովքեր մեծն բանաստեղծի 4 բանաստեղծություններից գոնե մեկը անգիր գիտեն:Գյումրեցիները կատակում են. «Սա շատերի համար անվճար չէ, նույնիսկ ավելի թանկ է….շատերը կգերադասեն վճարել, որն ավելի հեշտ է, քան Շիրազ սերտեն»:
Իսկ ավելի լուրջ՝ նախաձեռնությունը ճանաչողական նպատակ է հետապնդում:Սրանք Շիրազի հայրենասիրական թեմաներով գրված ստեղծագործություններն են, որոնցում արծարծվում են մեծ եղեռնը, ղարաբաղյան խնդիրը:
Կարծիքներ