«Գնա ձի քշի, դու ցինիկ ես», «Դու քաղաքականապես տգետ ես»․ Մենուա Հարությունյանի ու Անի Խաչատրյանի փոխադարձ վիրավորանքները

Այսօր  Մարտի 1-ի դեպքերի ու Հանրայինի եթերով «Հայաստանի կորսված գարունը» ֆիլմի ցուցադրման թեմայով ասուլիսի իսկական վեճ բռնկվեց ՀՀԿ-ական Մենուա Հարությունյանի ու «Հանրապետություն» կուսակցության անդամ Անի Խաչատրյանի միջև, որը և հետագայում վերածվեց փոխադարձ վիրավորանքների տեղատարափի: «Ռոբերտ Քոչարյանը մեզ գարուն չի պարտք, նա մեզ 20 տարի է պարտք, նա մեզ տարվա բոլոր եղանակներն է պարտք, հոկտեմբերի 27, ապրիլի 12: Նա հանցագործ է, դահիճ: Ռոբերտ Քոչարյանը սպարապետի դահիճն է»,- ասաց Անի Խաչատրյանը: 

«Ներողություն, բայց Դուք քաղաքականապես շատ տգետ եք»,- պատասխան ասաց Մենուա Հարությունյանը՝ հավելելով. «Մի բան էլ նկատենք. Նիկոլին այսօր պաշտպանում ա մարդ, ով իրեն հռչակել ա ընդդիմադիր: Դուք ֆեյք ընդդիմություն եք,  հեռացեք քաղաքական դաշտից: Արամ Սարգսյանն էն տղեն ա, որ իրա ախպերը Լևոնին հեռացրել ա քաղաքականությունից, առանց ամոթի, գնացել, Լևոնի կողքը կանգնել ա»: 

Անի Խաչատրյան էլ իր հերթին Մենուա  Հարությունյանին «ցինիկ» անվանեց ու շարունակեց. «Դու քեզանից ոչինչ չես ներկայացնում, դու խեղկատակ ես»: 

Մանրամասն՝ տեսանյութում։