Գիտե՞ք արդյոք, որ…
• Լաս Վեգասի MGM Գրանդ հոթելը, որի տնօրենը ժամանակին մեր հայրենակից Քըրք Քրքորյանն էր, ունի 5005 սենյակ, համերգասրահ՝ 15200 նստատեղով և ատրակցիոններ՝ 13.3 հեկտար տարածությամբ: Հետաքրքիր է նաև, որ այստեղ միայն մեկ օրում ծախսվում է 3 տոննա սուրճ:
• Աշխարհում բոլորից շատ երեխաներ է ծծնդաբարել ռուս գեղջկուհի Ա. Վասիլևան: 40 տարվա ընթացքում (1725-1765 թթ.) նա ծննդաբերել է 27 անգամ. 16 անգամ՝ երկվորյակներ, 7 անգամ՝ եռվորյակներ և 4 անգամ՝ քառվորյակներ: Երեխաների ընդանուր թիվը 69 է:
Մեր ժամանակակիցներից «ամենաբերքառատ» մայրը համարվում է չիլիացի Ալբինա Լեոնտինոն: 1943-1981 թթ. ժամանակաշրջանում նա լույս աշխարհ է բերել 55 երեխա:
• Բոլորին հայտնի դոլարի խորհրդանիշը սկսել է օգտագործվել 1778 թ-ից և կազմվել է այն ժամանակ ամերիկայում լայնորեն հայտնի իսպանական պիաստր թղտադրամի անվանումից՝ լատինական PS տառերի միացումից էլ առաջացել է դոլարի խորհրդանիշը:
• Ամենաթանկարժեք կտավը ճանաչվել է Պաբլո Պիկասոյի «Խողովակով տղան» ստեղծագործությունը: Աճուրդի ժամանակ այն վաճառվել է 104 միլիոն դոլարով:
• «Բեթմեն» ֆիլմում Ջեկ Նիկոլսոնը կատարել է Ջոկերի դերը: Ֆիլմի նկարահանման վրա ծախսվել է 50 միլիոն դոլար: Նիկոլսոնի ստացած հոնորարը կազմել է 60 միլիոն դոլար:
• Իտալացի հանրահայտ կոմպոզիտոր Ալեխանդրո Սկառլատիի հեղինակած ավելի քան 100 օպերաներից ամենանշանավորը «Տիգրանն» է: Ստեղծագործությունը հայոց հնագույն պատմական վառ դեմքերից մեկի մասին է:
• Ամերիկացի Պերշինկ Ուոլդոուն եղել է աշխարհում ամենաբարձր հասակ ունեցող մարդը՝ 2 մ 72 սմ (մահացել է 1940 թ-ին): Կանանցից նման «կոչում» էր կրում հնդկուհի Սեն Չունլին՝ 2 մ 47 սմ: Իսկ ահա ամենակարճահասակների թվում «առաջատարը» ՝ 50-ն անց հնդկուհի Գալ Մուհամեդին է՝ 57 սմ, քաշը՝ 17 կգ:
• Ամենաբարձր վարձատրվող երգիչը եղել է իտալացի Էնրիկո Կառուզոն: Համերգներից ստացած հոնորարների և սկավառակների վաճառքից կազմված ընդանուր գումարը հավասարվել է գերմանական 8 միլիոն ոսկե մարկայի:
• 1988 թ-ի փետրվարի 24-ին Դոնիցետիի «Սիրո ըմպելիք» օպերային բեմադրության ժամանակ իտալացի տենոր Լուչիանո Պավարոտիին՝ Նեմոնիտոյի դերակատարության համար ծափահարել են 1 ժամ 7 րոպե և «բիս» կանչելով 165 անգամ նրան ստիպել են վերադառնալ բեմ:
• Պաբլո Պիկասոյի ստեղծագործական կյանքը շարունակվել է 78 տարի: Այդ ընթացքում նա ստեղծել է 13500 գեղանկար և էսքիզ, 100000 փորագրություն ու էստամպ, 24000 գրքերի նկարազարդում և 300 խեցեգործական ու քանդակային աշխատություն, որոնց ընդանուր արժեքը կազմել է մոտ 1 միլիարդ դոլար: Ի դեպ, Պիկասոյի ստեղծագործություններն աճուրդի են հանվել մոտ 4000 անգամ:
• Լեոնարդո Դավինչիի «Մոնա Լիզան» («Ջոկոնդան»), որը ցուցադրվում է Լուվրում, 100 միլիոն դոլարի արժեք ունի: Ֆրանսիայի թագավոր Ֆրանցիսկ Առաջինն այն ձեռք էր բերել 1517 թ-ին՝ 4000 ոսկե ֆլորինով (մոտ 200000 դոլարով):
• Ամերիկյան հեռուստաշոուների աստղ Օփրա Ուինֆրին 1994 թ-ից մինչև դարի վերջը վաստակել է 300 միլիոն դոլար կամ մոտ 47 միլիոն՝ յուրաքանչյուր տարի, այսպիսով դառնալով 20-րդ դարի ամենահարուստ սևամորթ ամերիկուհին:
• Սկսած 1900 թ-ից Շեռլոկ Հոլմսի մասին պատմող 211 ֆիլմ է նկարահանվել:
• Սթիվեն Սպիլբերգի 7 ֆիլմերը ամենաշատ եկամուտ բերողներն են: Դրանց ցուցադրումներից ստացվել է 2.17 միլիարդ դոլար:
• 1863 թ-ին Ժյուլ Վեռնը գրեց «Փարիզը XX դարում» գիրքը, որում մանրամասնորեն նկարագրել էր ավտոմեքենայի, ֆաքսի, էլեկտրական աթոռի և այլ արտասովոր բաների մասին, մանրամասելով դրանց օգտագործման նրբությունները: Հրատարակիչը, սակայն, բնագիրը վերադարձրել է հեղինակին, նրան անվանելով՝ «Ապուշ»:
• Ամեն օր ամերիկացիները դուրս են նետում 20000 օգտագործված հեռուստացույց, 150 հազար փաթեթավորված նյութեր, 43 հազար տոննա ուտեստեղեն, հազարավոր տարբեր տեսակի կահույք, հնացած համակարգիչներ:
• Մոնակոյի ազգային նվագախմբի կազմն ավելի պատկառելի է, քան տեղի բանակը:
• Նավապետ Կուկն առաջին մարդն էր, ով ոտք է դրել աշխարհի բոլոր աշխարհամասերում (չի եղել միայն Անտարկտիդայում):
• Հեռուստագովազդների ամենաբարձր գինը նշանակվում է ամերիկյան ֆուտբոլի սուպերգավաթի խաղարկության ժամանակ՝ 2.2 միլիոն դոլար 1 րոպեի համար: Այդ ռեկորդը գրանցվել է 1995 թ. և տարեց-տարի բարձրանում է:
• Ամերիկյան կրկեսի մի ակրոբատ կարողացել է 80 հազար անգամ գլխի վրա խաղարկել գնդակը, թույլ չտալով, որ այն գետնին ընկնի:
• Եվրոպացիները, գալով Ավստրալիա, տեղի հնաբնակներից հետաքրքրվեցին՝ «Ձեզ մոտ այդ ի՞նչ տարօրինակ կենդանիներ են, որ ցատկերով են շարժվում՚՚: Հնաբնակները պատասխանել են՝ «Կենգուրու», ինչը նշանակում է՝ «Չենք իմանում»:
• Խլուրդը մեկ գիշերվա ընթացքում կարող է փորել մինչև 76 մետր երկարության թունել:
• Մեկ կիլոգրամ մեղր «պատրաստելու» համար մեղուն պետք է «այցելի» երկու միլիոն ծաղիկ:
Տարբեր տպագիր աղբյուրներից հավաքագրեց՝
Միսակ Նազարյանը
Կարծիքներ