Դատավոր Դավիթ Գրիգորյանի աշխատասենյակի խուզարկությունը թույլատրելու մասին որոշումը բեկանվեց
Այսօր Վերաքննիչ դատարանը բավարարեց Դավիթ Գրիգորյանի գործով բողոքը՝ բեկանելով խուզարկությունը թույլատրելու մասին դատարանի որոշումը ։ Այս մասին տեղեկացնում է Երեւանի ընդհանուր իրավասության դատարանի դատավոր Դավիթ Գրիգորյանի պաշտպաններից Գեորգի Մելիքյանը։
«Մոտենում ենք պատվիրատուների պատասխանատվության կանչելուն, քիչ մնաց»,-եզրափակել է նա։
Այս գրառմամբ կիսվել է Գրիգորյանի մյուս պաշտպան Երվանդ Վարոսյանը՝ գրելով․ «Սառույցը շարժվեց, պարոնայք երդվյալ ատենակալներ։ Դատավոր Դավիթ Գրիգորյանի աշխատասենյակի խուզարկությունը թույլատրելու մասին որոշումը բեկանվեց»:
Հիշեցնենք, որ երկրորդ նախագահ Ռոբերտ Քոչարյանին կալանքից ազատ արձակած դատավոր Դավիթ Գրիգորյանը մեղադրվում է պաշտոնեական կեղծիք կատարելու մեջ։
Կարծիքներ