Տարածքն ականազերծել է, Ալիևի հետ պայմանավորվել՝ ընտրություններից հետո հանձնելու

Պահեստազորի գնդապետ Միհրան Մախսուդյանը «Հրապարակի» հետ զրույցում ասաց, որ Նիկոլ Փաշինյանը Ալիևի հետ փորձում է համաձյանության գալ՝ Ադրբեջանին հանձնել Տավուշի մարզի Սոֆուլու գյուղը, եւ դա տեղի կունենա Հայաստանում հերթական ընտրություններից հետո:

«Ինքը հիմա Ալիևի հետ փորձում է բանակցություններ վարել, որ ընտրություններից հետո հանձնի, որ մարդկանց հերթական սուտը կերցնի՝ նոր հանձնի: Թող ժողովրդին հստակ ասի՝ հանձնելո՞ւ է, թե՞ չէ: Տարածքն ամբողջությամբ ականազերծել են՝ բա դա ի՞նչ է նշանակում»,-ասաց պահեստազորի գնդապետը:

Եթե Սոֆուլուն հանձնեն, ապա Կայան ավանը, Ազատամուտը, Այգեհովիտը հայտնվելու են թշնամու անմիջապես թիրախում, իսկ եթե, այսպես կոչված, ադրբեջանցի փախստականներն այնտեղ հաստատվեն, ապա կստացվի, որ նրանց մեջ ենք ապրում՝ ահազանգում է Մախսուդյանը: