«Հրապարակ»․ Արցախում սկսվում է ՀՅԴ ընդհանուր ժողովը

«Հրապարակ»․ Արցախում սկսվում է ՀՅԴ ընդհանուր ժողովը

Այսօր, Արցախում սկսվում է ՀՅԴ ընդհանուր ժողովը, որը կայանում է 4 տարին մեկ եւ որոշում է առաջիկա 4 տարվա քաղաքական ուղենիշներն ու ղեկավար մարմին՝ Բյուրո է ընտրում։ Այս անգամ Ընդհանուր ժողովն ընթանում է բավականին էքստրեմալ պայմաններում՝ ՀՅԴ-ի՝ իշխանական կոալիցիայից դուրս մնալուց եւ ԱԺ ընտրություններում պարտվելուց հետո։

Ժողովի գլխավոր խնդիրը լինելու է 19 տարի Բյուրոն ղեկավարած Հրանտ Մարգարյանի մնալ-չմնալու հարցը։ Մեր տեղեկություններով, ՀՅԴ-ում խիստ բացասաբար են գնահատում Նիկոլ Փաշինյանի վերաբերմունքը ՀՅԴ-ի եւ մասնավորապես Մարգարյանի նկատմամբ եւ կարծում են, որ այն փաստը, որ ՀՀ վարչապետի պաշտոնը զբաղեցնող անձը 5-6 ամիս է՝ չի ընդունում Մարգարյանին, վիրավորանք է կուսակցության նկատմամբ։ Եվ միայն դա բավական է, որ իրենք կրկին ընտրեն Մարգարյանին՝ Փաշինյանին հասկացնելով, որ 128-ամյա կուսակցության հետ պետք է հաշվի նստել։