2018 թվականի իշխանափոխությունից հետո «Ջերմուկ» գրուպի սեփականատեր Աշոտ Արսենյանի որդին՝ Վահագն Արսենյանը, ով 2021 թվականին «Քաղաքացիական պայմանագիր» կուսակցության կողմից ընտրվել է Ջերմուկ համայնքի համայնքապետ, հսկայական կարողություն է ձեռք բերել:
Մասնավորապես, 2021 թվականին Երևանի կենտրոնում ձեռք է բերել ավտոկայանատեղի՝ 11, 600, 000 ՀՀ դրամով, 2022 թվականին Ջերմուկ քաղաքում ՝ 3, 900, 000 ՀՀ դրամով, հասարակական նշանակության շինություն: 2022 թվականին ևս երկու հասարակական նշանակության շինություն է ձեռք բերել՝ 90, 000, 000 և 500, 000 ՀՀ դրամով:
2021 թվականին ձեռք է բերել նույն թվականի արտադրության Porsche մակնիշի մեքենա: Բացի այդ, Արսենյանը շուրջ 2,5 մլրդ ՀՀ դրամի վարկեր և փոխառություններ է հայտարարագրել Կոռուպցիայի կանխարգելման հանձնաժողով, որից շուրջ 1,6 մլրդ դրամը (AED 15,215,130)՝ Արաբական Միացյալ Էմիրությունների Դեհրամով, որը Վահագն Արսենյանին տվել է հայրը՝ Աշոտ Եղիշեի Արսենյանը:
Վահագն Արսենյանը 2022 թվականին կատարել է բնակարանի վերանորոգում, որի համար ծախսել է 16, 495, 542 դրամ:
ՀՀԿ-ական նախկին պատգամավորի որդուն է պատկանում «Ջերմուկ Մայր Գործարան» ՍՊԸ-ի՝ 100%, «Ռելոադ» ՍՊԸ-ի՝ 30%, «Բալկան ՊԵՏ Քոմփանի» ՍՊԸ-ի՝ 50 % բաժնեմասերը:
