Ինքնաթիռի կործանումը չորս մարդու կյանք է խլել ԱՄՆ-ում 

Չորս մարդ է զոհվել ԱՄՆ Ինդիանա նահանգի Անդերսոն քաղաքում  մեկշարժիչանի ինքնաթիռի վթարման հետեւանքով։ Այս մասին հայտնում է Newsweek-ը, վկայակոչելով տեղի ոստիկանապետի գրասենյակի փոխանցած տեղեկությունները։

Հայտնի է, որ ինքնաթիռն օդ է բարձրացել ուրբաթ օրը տեղի ժամանակով 06:45-ին՝ Այովա նահանգի Ֆորտ-Ջոջ քաղաքի օդանավակայանից եւ պետք է վայրէջք կատարեր Անդերսոնի օդանավակայանում։ Սակայն ինքնաթիռը վթարվել է եւ ընկել եգիպտացորենի դաշտում։ Ինքնաթիռում եղել է չորս մարդ, որոնք էլ զոհվել են։