Առևտրականների բողոքի ակցիան Երևանում. չեն պատրաստվում լքել տարածքը

Վազգեն Սարգսյանի անվան «Հանրապետական» մարզադաշտի հարևանությամբ գործող շուկայի աշխատակիցներին քիչ առաջ ոստիկանության ներկայացուցիչները փորձել են հեռացնել։ Միջադեպը վերածվել է  առևտրականների կողմից բողոքի ակցիայի,  որից հետո, մեր տեղեկություններով, առևտրականներ են բերման ենթարկվել։

Բանն այն է ,որ Շուկայում հին իրերի առեւտուր իրականացնող մարդիկ խնդրում են մինչև կորոնավիրուսի ավարտը կամ գոնե օգոստոսի 15-ը թույլ տալ շուկայում առևտուր իրականացնել, մինչև Երեւանի քաղաքապետարանը այլ տարածք առաջարկի։

Շուկայի աշխատողները պնդել են, որ այստեղ իրենց տեղը բոլորը գիտեն, ում ինչ պետք է լինում, արագ գտնում են։

«Էդ ի՞նչ  ենք վաճառում, որ տենց ոգևորվել եք, քրչոտ ապրանքներ են էլի, մի կտոր հացի փող է»,- ասել է ակցիայի մասնակիցներից մեկը։

Ակցիայի վերջում շուկայի աշխատողների և քաղաքապետարանի ներկայացուցիչների միջև համաձայնություն է ձեռք բերվել, որ առևտրականները տարածքը կլքեն միայն օգոստոսի 15-ից հետո, սակայն մեզ փոխանցեցին, որ առևտրականները համաձայնել են գնալ այս քայլին, որ այս պահին գոնե չլքեն տարածքը, իսկ օգոստոսի 15-ից հետո չի բացառվում , որ նորից բողոքի ակցիաներ մեկնարկեն։