«Տոտենհեմի» պաշտպանը տեղափոխվում է «Միլան»

Իտալական «Միլան» ակումբը պաշտոնապես հայտարարել է, որ պայմանագիր է կնքել «Տոտենհեմի» պաշտպան Էմերսոն Ռոյալի հետ։ Քսանհինգամյա մարզիկի հետ պայմանագիրը նախատեսված է չորս տարվա համար։ Տրանսֆերի գումարը չի հաղորդվում, սակայն մամուլում առկա տեղեկությունների համաձայն, «Միլանը» վճարել է Էմերսոն Ռոյալի համար 15 միլիոն եվրո, պլյուս՝ բոնուսները։ «Տոտենհեմի» կազմում Ռոյալը հանդես է եկել 21 թվականի ամառվանից, երբ 25 միլիոն եվրոյով նրան գնել են «Բարսելոնայից»։