Ո՞ր աստղերը կհեռանան Հոլիվուդից՝ Թրամփի պատճառով

Դոնալդ Թրամփը ընտրվեց ԱՄն նախագահ եւ Հոլիվուդում իրական սուգ է։ Արդյունքների հրապարակումից ժամեր անց հայտնի դարձավ, որ աշխարհահռչակ դերասան Թոմ Հենքսը որոշել է Թրամփի հաղթանակից հետո հեռանալ Միացյալ Նահանգներից:

Հատկանշանական է, որ ԱՄՆ նախագահի նախընտրական քարոզչապայքարի ժամանակ աստղերի ճնշող մեծամասնությունն աջակցում էին դեմոկրատների թեկնածու Քամալա Հարիսին: Նրանցից շատերը ելույթ էին ունենում Հարիսի նախընտրական հանդիպումների ու հանրային ելույթների ժամանակ՝ կոչ անելով ամերիկացիներին իրենց ձայնը տալ Հարիսին: Սակայն պարզվեց` ամերիկյան ժողովուրդը չի լսում աստեղրին եւ Թրամփն ընտրվեց ԱՄՆ նախագահի պաշտոնում։ 
Մամուլում տեղեկություններ հրապարակվեցին այն մասին, որ Հենքսը նույնիսկ հեռանալու մասին հրաժեշտի նամակ էր թողել, որում ասվում էր․ «Փախիր, ֆորեսթ, փախիր»՝ հայտնի ֆիլմից արտահայտությամբ: Սակայն Հենքսի՝ ԱՄՆ-ն լքելու վերաբերյալ դեռ հավաստի տվյալներ չկան։
Միացյալ Նահանգների լրատվամիջոցները վերհիշել են այն բոլոր մարդկանց, ովքեր հայտարարել էին, որ Թրամփի վերընտրվելու պարագայում կլքեն ԱՄՆ-ն: Այդ ցանկում աշխարհահռչակ Բարբարա Սթրեյզենդն է: Վերջինս դեռևս 2023-ի նոյեմբերին հարցազրույցներից մեկի ժամանակ հայտարարել էր, որ Թրամփի նախագահ ընտրվելու պարագայում ԱՄՆ-ից կհեռանա Մեծ Բրիտանիա: Սակայն Սթրեյզենդն առաջին անգամ չէ, որ նման հայտարարությամբ է հանդես գալիս: Մասնավորապես, նմանատիպ հայտարարություն արել էր նաև 2016-ին, երբ հայտարարել էր, որ անտանելի է կանանց հանդեպ դրսևորվող սեքսիզմը, երբ իր համար նախագահի լավագույն թեկնածուն Հիլարի Քլինթոնն էր:
Guardian-ին 2023-ին տված իր հարցազրույցի ժամանակ Թրամփի ընտրվելու պարագայում ամենայն հավանականությամբ Միացյալ Նահանգներից հեռանալու մասին հայտարարությամբ հանդես էր եկել նաև Շերը: «Եթե նա ընտրվի, ով գիտե, միգուցե այս անգամ ես հեռանամ Միացյալ նահանգներից»,-ասել էր Շերը: Ամերիկյան լրատվամիջոցները նշում են, որ Թրամփի դեպքում Շերին ամենաշատը մտահոգում է տրանսգենդերների նկատմամբ վերաբերմունքի խիստ բացասական փոփոխությունը: Հիշեցնենք, որ Շերի կենսաբանական դուստրը սեռափոխություն է իրականացրել և այդ հարցը Շերի համար բավականին ցավոտ է:

Դեռևս 2015-ին Շերն այն ժամանակ թվիթերյան իր էջում գրել էր, որ եթե Թրամփն ընտրվի ԱՄՆ նախագահ, ապա ինքը կհեռանա Յուպիտեր մոլորակի վրա բնակություն հաստատելու: Հոլիվուդի գեղեցկուհիներից մեկը` Շերոն Սթոունն էլ այս տարվա հուլիսին էր հայտարարել Միացյալ Նահանգներից հեռանալու մտադրության մասին, եթե Թրամփն ընտրվի նախագահ: «Այս պահին ես Իտալիայում տուն ձեռք բերելու մասին եմ մտածում։ Կարծում եմ, դա լավ որոշում է այս պահի համար»,-հայտարարել է Հոլիվուդի գլխավոր շիկահերը:

Վերջինս Թրամփի նախընտրական քարոզչությունը որակել էր որպես աննախադեպ ատելության և սպառնալիքի քարոզչություն:

Օսկարակիր դերասանուհի Վուփի Գոլդբերգի մասին ևս նման տեղեկություններ տարածվեցին, որ Թրամփի հաղթանակից հետո նա Կանադա տեղափոխվելու մասին կմտածի, սակայն վերջինս Թրամփի ընտրություններից հետո ասաց, որ մնալու է Միացյալ Նահանգերում և իր համար առնվազն զարմանալի է, որ այլ մարդկանց պնդումները կարող են նաև իր անունից տարածվել:

Թրամփի հաղթանակից չափազանց նեղսրտել էին նաև Քրդի Բին ու Արիանա Գրանդեն, ինչպես նաև Սթիվեն Քինգը։ Օսկարակիր դերասան Ջեյմի Լի Քյորթիսը ինստագրամյան իր հրապարակման մեջ գրել էր, որ դրակոնյան, վախենալու ժամանակներ են մոտենում և փոքրամասնությունների համար մտահոգիչ, սահմանափակումներով լի ժամանակներ են սկսվելու։ Իսկ բրիտանացի դերասան Ֆիլիպ Փուլմանն իր հիասթափությունն արտահայտել էր բրիտանական հումորին բոնորշ սատիրայով․ «Հաջող, Ամերիկա։ Ուրախ էի քեզ ճանաչելուս համար»։ 

Թրամփի հաղթանակից չափազանց նեղսրտել էին նաև Քրդի Բին ու Արիանա Գրանդեն, ինչպես նաև Սթիվեն Քինգը։ Օսկարակիր դերասան Ջեյմի Լի Քյորթիսը ինստագրամյան իր հրապարակման մեջ գրել էր, որ դրակոնյան, վախենալու ժամանակներ են մոտենում` փոքրամասնությունների համար մտահոգիչ, սահմանափակումներով լի ժամանակներ։ Իսկ բրիտանացի դերասան Ֆիլիպ Փուլմանն իր հիասթափությունն արտահայտել էր բրիտանական սատիրայով․ «Հաջող, Ամերիկա։ Ուրախ էի քեզ ճանաչելուս համար»։

Թե նշված մարդկանցից ովքեր կհեռանան Միացյալ Նահանգներից՝ ցույց կտա ժամանակը, սակայն փորձը ցույց է տալիս, որ նման հայտարարարություններ անող աստղերի պակաս չի զգացվել նաև 2016 թվականին, սակայն նրանցից ոչ ոք այդպես էլ չի հեռացել Միացյալ Նահանգներից: 

Իհարկե, Թրամփը ևս ուներ աստղային աջակցություն, մասնավորապես ռեփ աստղ 50 Cent, Իլոն Մասկը, Մել Գիբսոնը, Քանյե Ուեսթը, Քիմ Քարդաշյանը, Զախարի Լեվին, Դոկտոր Ֆիլը և այլք: