Պետության գինը՝ 3.7 միլիարդ դոլար, առանց միջնորդի
Տնտեսագիտական մտքի նորահայտ գիգանտ Վահան Քերոբյանը (էկոնոմիկայի նախարար), հիմնվելով Ասիական զարգացման բանկի հետազոտության արդյունքներում առկա գնահատականի վրա, հայտարարել է, թե հաղորդակցության ուղիների ապաշրջափակման դեպքում Հայաստանի ՀՆԱ-ն 30%-ով կավելանա:
Հնարավոր չեղավ պարզել, թե թուրքերի հետ ինչպես են բարիշել. 2019 թվականի՞ ՀՆԱ-ի, թե՞ 2020 թվականի ՀՆԱ-ի հաշվով: Տարբերությունը գրեթե 300 մլն դոլար է: Ամեն դեպքում, 2020 թվականի ՀՆԱ-ն էլ մեզ ձեռք է տալիս, ուղղակի միանգամից չարժեր համաձայնել, նկատի ունենալով այն, որ գնվելիք տարածքում վերացվելու է հային հիշեցնող ամեն ինչ. եկեղեցիներ, գերեզմանատներ, մշակույթ…
Հայաստանի ՀՆԱ-ն, ենթադրաբար, բացարձակ արժեքով կավելանա 3.7 միլիարդ դոլարով: Սա է, ըստ էության, ՀՀ անվանվող պետության գինը: Գուցե Քերոբյանը մի փոքր էլ սակարկի՞, որպեսզի հիմք ընդունվի 2019 թվականի ՀՆԱ-ն, այսինքն՝ ՀՀ-ի գինը սահմանվի 4 միլարդ դոլարը…
Գագիկ Վարդանյան
Կարծիքներ