Ճորտի տեղ են դրե՞լ․ ուսուցիչներին կանչել են դպրոցներ
Մեր խմբագրություն էր ահազանգել մի ուսուցչուհի, որը վրդովված ասում էր, որ Կրթության, գիտության, մշակույթի եւ սպորտի նախարարությունից իրենց ասել են, որ պետք է գնան դպրոցներ, վերցնեն հունվար եւ փետրվարի ամիսների մատյանները, լուսանկարեն եւ տանը անցկացնեն էլեկտրոնային տարբերակով։
«Եթե տրանսպորտ չկա, ո՞նց ենք գնալու, դա հսկայական աշխատանք է, ժամկետ են տվել մինչեւ ամսի 20-ը, դա հնարավոր չէ երկու օրում։ Ճորտի տեղ են դրե՞լ, բոլոր ուսուցիչներն են այս վիճակի մեջ։ Որ գումար չեն տալիս, տրանսպորտ չկա, ո՞նց ենք գնալու»,-նշեց ուսուցչուհին։
Նախարարությունից խնդրի վերաբերյալ մեզ փոխանցեցին․ «Կարիք չկա, որ ամեն ուսուցիչ գնա նկարի։ Կարող է դպրոցի օպերատորը գնա, բոլորինը նկարի և ուղարկի։ Տնօրեններին ասված է, որ գործընթացը կազմակերպեն և հաշվի առնելով մանկավարժների ծանրաբեռնվածությունը, այլ պատասխանատուների ընդգրկեն գործընթացում։ Դպրոցների մեծ մասում արդեն արված է։ Իսկ նրանք, ովքեր դասարան-էյէմում լրացրել են, տնից կարող են փոխանցել միայն գնահատականները»։
Կարծիքներ