Մեսսին և համաշխարհային ֆուտբոլի մի քանի աստղեր Բաքվում են

Արգենտինայի հավաքականի եւ ամերիկյան «Ինտեր Մայամիի» աստղային հարձակվող, Ոսկե գնդակի բազմակի դափնեկիր, աշխարհի չեմպիոն Լիոնել Մեսսին թիմակիցների հետ ժամանել է Բաքու։

Ինքնաթիռը, որում եղել են ֆուտբոլիստները, վայրէջք է կատարել Հեյդար Ալիևի միջազգային օդանավակայանում, որտեղ նրանց դիմավորել է գործարար Ադնան Ահմեդզադեն, հայտնում են տեղի ԶԼՄ-ները:

Նշվում է, որ այսօր՝ դեկտեմբերի 11-ին կայանալիք մեծ միջոցառմանը կմասնակցեն Լիոնել Մեսսին, Լուիս Սուարեսը, Սերխիո Բուսկետսն ու Ժորդի Ալբան։ Հանդիպման ընթացքում կցուցադրվի աշխարհռչակ արգենտինացուն նվիրված վավերագրական ֆիլմը:

Բացի այդ, համերգասրահի բեմում ելույթ կունենան աշխարհահռչակ կոմպոզիտոր և երգիչ Վիլլի Ուիլյամը և հայտնի Morandi խումբը։ Տոմսերի վաճառքից ստացված հասույթը կուղղվի բարեգործությանը։