Օդանավակայանի աշխատակիցները տուրիստին անվանել են «տգեղ»

ԱՄՆ Մոնրոյի շրջանում, Greater Rochester օդանավակայանի անցագրային կետն անցնելիս տուրիստ Նիլ Ստրասներին օդանավակայանի աշխատակիցները զննություն կատարելիս անվանել են «տգեղ»։ Այս մասին հայտնում է Fox News-ը։

Տուրիստը ասել է, որ ինքը չի վիրավորվել այդ որակումից, սակայն դիմել է օդանավակայանի ղեկավարությանը, որպեսզի հասկանան, թե ինչն ինչոց է։ Օդանավակայանի ղեկավարությունը պարզել է, որ սա առաջին դեպքը չէ, երբ աշխատակցուհին վիրավորական որակումներ է տալիս ուղեւորներին։ Աշխատակցուհուն արդեն ազատել են աշխատանքից։