Հանդիպել են Իլհամ Ալիեւն ու Վալերիյ Գերասիմովը

Հանդիպել են Ադրբեջանի նախագահ Իլհամ Ալիեւն ու Ռուսաստանի զինված ուժերի գլխավոր շտաբի ղեկավար, բանակի գեներալ Վալերիյ Գերասիմովը։ Հիշեցնենք, որ գեներալ Գերասիմովը Բաքու էր մեկնել հանդիպելու ՆԱՏՕ Եվրոպայում տեղակայված ուժերի միացյալ հրամանատարության ղեկավար Թոդ Վոլթերսի հետ։ Ինչպես հայտնում է АЗЕРТАДЖ-ը, հանդիպմանը ընդգծվել է Բաքվում միջազգային բանակցությունների սիստեմատիկ անցկացման կարեւորությունը։ Քննարկվել են նաեւ ռուս-ադրբեջանական ռազմական եւ ռազմա-տեխնիկական գործակցությանն առնչվող հարցեր։