Թրամփը սանկցիաներ ընդդեմ Թուրքիայի, դեռ չի կիրառի

ԱՄՆ նախագահ Դոնալդ Թրամփը հայտարարել է, որ ներկա պահին դեռեւս չի դիտարկում ընդդեմ Թուրքիայի սանկցիաների սահմանումը՝ ռուսական Ս-400 համակարգեր գնելու համար։ Այս մասին հայտնում է Daily Sabah-ը։ «Թուրքիայի հարցում ամեն բան շատ բարդ է։ Մենք շարունակում ենք շփումները թուրքական իշխանությունների հետ»,- ասել է Թրամփը։ Հիշեցնենք, որ Թուրքիա է ժամանել արդեն 14-րդ ինքնաթիռը, որը բերում է Անկարայի պատվիրած Ս-400 համակարգերը։