Ստորագրությունները հավաքվել են, բայց արտահերթ նիստը հնարավոր է չկայանա
«Լուսավոր Հայաստան» խմբակցությունը երեկ դատական իշխանության նկատմամբ իշխանության նախաձեռնած գործողությունների վերաբերյալ խմբակցության նիստում որոշում կայացրեց հրավիրել Ազգային ժողովի արտահերթ նիստ, ինչի համար նախաձեռնել է ստորագրահավաք։
ԼՀ խմբակցությունը առաջարկում է մայիսի քսաներկուսին արտահերթ նիստ հրավիրել եւ քննարկել վարչապետ Նիկոլ Փաշինյանի կողմից տարածված հայտարարության հիման վրա քաղաքացիների կողմից դատարանների շենքերի շրջափակման հետևանքով Հայաստանի Հանրապետությունում ստեղծված իրադրությունը և դատաիրավական համակարգի բարեփոխումների իրականացման հնարավորության ու հեռանկարի վերաբերյալ վարչապետի հայտարարությունը։
Չնայած ԲՀԿ-ական պատգամավորները միացել են ստորագրահավաքին, սակայն պատգամավոր Նաիրա Զոհրաբյանը հայտնեց, որ հնարավոր է նիստը վաղը չկայանա, ինքը քարտուղարությունից տեղեկացել է, որ ներկայացված նախագծում որոշ տեխնիկական խնդիրներ կան եւ պետք է ԼՀԿ-ն շտկի։ Հնգօրյա ժամկետում շտկելու դեպքում
հնարավոր է հրավիրել նիստ։Ի դեպ, «Իմ Քայլը» առարկություններ ունի նիստի օրակարգի վերաբերյալ եւ կարծում է, որ վարչապետի հայտարարությունը չպետք է քննարկվի, միայն դատական բարեփոխումների թեման։
Կարծիքներ