Ինձ Լֆիկն է առևանգել ու զենքը պահել ճակատիս․ Ղուշչյան

«ԲԱՑ» թիվի-ի այլևս նախկին հեռուստամեկնաբան Համլետ Ղուշչյանը Hraparak.am-ի հետ զրույցում այսօր Ռուբեն Հախվերդյանի հետ հարցազրույցից ոչ պակաս աղմկահարույց հայտարարություն արեց՝ պատասխանելով հարցին, թե ճի՞շտ է, որ երբ եթերում տվել է  «Լուսաստղ »  օղու անունը, Ալեքսանյանի մարդիկ իրեն ծեծի են ենթարկել, պարոն Ղուշչյանն ասաց․ «Ինչ ծեծի․․․ էդ տականքն ով է, որ ծեծի, ուղղակի ինձ գողացել, առևանգել, տարել են գիշերով և ատրճանակը գլխիս դրել են ու ասել են՝ կասես էն, ինչ քեզ կասենք։ Ես էդ բոլորի միջով անցել եմ, ես մահվան աչքերին եմ նայել, ասել եմ՝ կրակի, արա, որ բերել ես կրակի, որովհետև հետո Աստված քեզ պատժելու է, թե ոչ մեկն էլ չպատժի»։

Համլետ Ղուշչյանը հայտնեց, որ ատրճանակը պահել է անձամբ Սամվել Ալեքսանյանը։ Պարոն Ղուշչյանին հարցրել էինք, թե ճի՞շտ է, որ  իրեն փրկել է միայն ռուսաստանաբնակ քրեական հեղինակություն Թևոս Սաֆարյանի միջամտությունը։ Վերջին դիտարկման հետ կապված՝ Համլետ Ղուշչյանն ասաց․«Վաայ․․․ էս ինչ հեքիաթներ են պատմում, ի՞նչ կապ ունի Թևոսը․․․»։