Այս տարի Ղարաբաղյան կարգավորման թեմային կառնչվենք ավելի հաճախ․ Չավուշօղլու
«Քանի դեռ Լեռնային Ղարաբաղյան հակամարտությունը չի կարգավորվել, Հայաստանի եւ Թուրքիայի հարաբերությունները չեն կարող նորմալանալ»։ Այս մասին հայտարարել է Թուրքիայի ԱԳ նախարար Մեւլյութ Չավուշօղլուն՝ ուսանողական ճամբարում ունեցած ելույթի ընթացքում։ Ինչպես հայտնում է «Անադոլու» լրատվական գործակալությունը, թուրքական արտաքին քաղաքական գերատեսչության ղեկավարը նաեւ ասել է, որ Ղարաբաղյան հակամարտության կարգավորումից է կախված նաեւ Կովկասում կայունության եւ զարգացման հնարավորությունները։ Չավուշօղլուն ասել է նաեւ, որ ընթացիկ տարում Անկարան Ղարաբաղյան կարգավորման թեմային կառնչվի ավելի հաճախ։
Կարծիքներ