3 ժամ Երևանից Գյումրի կանգնած ենք գնալու. ուսուցիչն ահազանգում է
«Երեւան֊Գյումրի գնացքով երթուղին ահավոր վատ է աշխատում, չհաշված սպասարկումը»։ Այս մասին մեզ ահազանգել է Գեղանիստի միջնակարգ դպրոցի ուսուցիչներից մեկը, որն այսօր մի խումբ աշակերտների էքսկուրսիա է տարել Գյումրի։
«Ուրեմն 4 վագոն ունեցող գնացքները հանել են, փոխարենը 2 վագոնանոցն է։ Ու մարդիկ ստիպված 3 ժամ ճանապարհը անցնում ենք ոտքի վրա կանգնած։ Բացի դա, քանի որ փոքր երեխաներ են եւ չեն կարող ֆիզիկապես 3 ժամ կանգնել, ստիպված նստեցին վագոնի հատակին՝ սառը։ Ու էլ չեմ ասում կորոնավիրուսային ներկայիս օրերի մասին»,- նշում է ուսուցիչը։
Նրա խոսքով` այս պայմաններում նաեւ ուղետոմսն են թանկացրել` 1000 դրամից դարձնելով 1200. «Ու երբ ասում եմ` ինչի՞ պիտի կանգնած գնալու համար 1200 վճարենք, մունաթ են գալիս, արհամարհում։ Նաեւ ասեմ, որ իրենց կայքում տոմսի գինը 1000 դրամ է գրված։ Հիմա ես թվաքանակով խումբ եմ բերել` հաշվելով տոմսը 1000 դրամ»։
Մանարամասն՝ տեսանյութում
Նշենք, որ մեզ դիմած քաղաքացու բողոքը վերաբերում է ոչ թե հին էլեկտրագնացքներին, որի ուղեվարձը 1000 դրամը չի գերազանցել, այլ նոր՝ վերջերս Հայաստան բերված 4 ԷՊ2Դ էլեկտրագնացքներին, որոնք հատկապես գործում են հանգստյան օրերին եւ նախկինում ուղեվարձը 2500դրամ էր, որը ըստ քաղաքացիների չափազանց թանկ էր:
Կարծիքներ