Եթե Սորոսի նման մարդիկ չլինեն, ո՞նց են բռնատիրության դեմ պայքարելու
«Հրապարակի» հետ զրույցում «Մոդուս Վիվենդի» կենտրոնի նախագահ Արա Պապյանը, նշում է, որ սորոսական նշանակում է մարդ, ով ստացել է դրամաշնորհ՝ ինչ-որ գործ կատարելու համար․ «Պետք է նայել, թե տվյալ մարդը էդ գործը ոնց ա արել։ Բա եթե Սորոսի նման մարդիկ չլինեն, ո՞նց են բռնատիրության դեմ պայքարելու։ Ես հասկանում եմ, որ բռնատերերը միշտ ասելու են՝ Սորոսը վատն ա, որովհետև ինքը ֆինանսավորում ա մարդկանց, որոնք մեր դեմ են պայքարում»։
Արա Պապյանը նաև համեմատականներ անցկացրեց նախկինի և ներկայի միջև․ «Ավելի լավ ա մարդիկ թաքուն Վլադիմիր Իլյիչ Լենինի նման գնան գերմանական հետախուզությունից փող ստանան ու պայքարեն, թե՞ ավելի լավ ա լինեն նման հիմնադրամներ(խոսքը «Բաց հասարակության հիմնադրամների» մասին է), որտեղից կարելի է գնալ բաց, պաշտոնական ստանալ փողը և աշխատանք կատարել։
Ես կարծում եմ, որ Սորոսը դրական դեր է խաղում, որովհետև ինքը գոնե բաց է խաղում»։
«Մոդուս Վիվենդի» կենտրոնի նախագահը հավելեց, որ իր կազմակերպությունը երբեք Սորոսից կամ մեկ այլ հիմնադրամից որևէ դրամաշնորհ չի ստացել․ «Հանկարծ չկարծեք՝ պաշտպանում եմ, ուրեմն անձնական շահ ունեմ»։
Կարծիքներ