Չկա նման ցանկություն.Վասակ Վարդանյան

ԵԿՄ նախագահ, ԱԺ «Իմ քայլը» խմբակցության պատգամավոր Սասուն Միքայելյանի եւ Կոտայքի մարզպետ Ռոմանոս Պետրոսյանի լարված հարաբերությունները շարունակում են քննարկվել մամուլում եւ սոցիալական ցանցերում:  Նրանց  միջեւ լարվածությունը սկսվեց Հրազդանի քաղաքապետի ընտրությունով: Այդ ժամանակ  «Քաղաքացիական պայմանագիրը» հայտարարություն տարածեց, որ նպատակահարմար չի գտնում պաշտպանել Սեւակ Միքայելյանի թեկնածությունը և ընտրություններին թեկնածու չի առաջադրելու։  Այս որոշումն անակնկալ էր, եթե հաշվի առնենք այն հանգամանքը, որ Նիկոլ Փաշինյանի կուսակցության վարչության նախագահը հենց Սասուն Միքայելյանն էր: Ինչպես ասում են. «Какой привет - такой ответ»: Միքայելյանն էլ՝ դեմ էր, որպեսզի իշխող կուսակցությունը իր թեկնածուին առաջադրեր Աբովյանի քաղաքապետի պաշտոնում։ Արդյունքում այդ թեկնածուն պարտվեց հունիսի 9-ի ընտրություններում, իսկ ընտրություններից հետո իշխող կուսակցության համագումարի ժամանակ Միքայելյանը կառավարման խորհրդի անդամ չընտրվեց։ Սասուն Միքայելյանի եւ Ռոմանոս Պետրոսյանի միջեւ լարվածությունը ընտրություններով սկսվեց, ընտրություններով շարունակվում է, իսկ ի՞նչ ավարտ կունենա` ժամանակը ցույց կտա: 

Ըստ մամուլի հրապարակումների եւ Հրազդանում պտտվող լուրերի, Միքայելյանը  ուզում է փոխմարզպետ՝ Վասակ Վարդանյանին (ով իր փեսան է) տեսնել մարզպետի պաշտոնում:  
Փոխմարզպետ Վասակ Վարդանյանին հարցրինք՝  ճիշտ  է արդյո՞ք, որ հավակնում է  Կոտայքի մարզպետի պաշտոնին.  «Չկա նման ցանկություն, ինֆորմացիան իրականությանը չի համապատասխանում»,-ասաց  Վարդանյանը: 
Ահա թե ինչի՞ համար քայլեց Սասուն Միքայելյանը: Որդուն դարձրեց քաղաքապետ, ինքը՝ ԵԿՄ նախագահ, բարեկամ-խնամի տեղավորեց աշխատանքի: