Ծեծուջարդ Էջմիածնում. Ձվերով ու գոմաղբով հարվածել են Գարեգին Բ-ի դեմ ակցիա անողներին (տեսանյութ)

Ծեծուջարդ Էջմիածնում. Ձվերով ու գոմաղբով հարվածել են Գարեգին Բ-ի դեմ ակցիա անողներին (տեսանյութ)

Արմավիրի մարզի Էջմիածին քաղաքում անկառավարելի իրավիճակ է այժմ։ Բանն այն է, որ այսօր մի խումբ հոգեւորականներ նախաձեռնել էին բողոքի ակցիա Ամենայն հայոց կաթողիկոս Գարգեին Բ-ի դեմ։

Սակայն ակցիան այնքան է թեժացել, որ վերածվել է միջադեպի։ Երթի մասնակիցներին քաղաքացիները ձվերով, գոմաղբով հարվածել են, տեղում է նաեւ ոստիկանությունը։

Դպիր Խաչատուր Եփրեմյանը, որը ակցիայի մասնակիցներից է, «Հրապարակ»-ի հետ զրույցում նշեց. «Սարսափելի վիճակի մեջ ենք հիմա, ջարդված։ Էջմիածնում չգիտեմ` ի՞նչ է կատարվում։ Վիրավորներով լի, կեսը պատանդ են Էջմիածնում, կեսը ջարդված ճանապարհին։ Էս ձեւի իրավիճակ»։

Հարցին` իրենց վրա ովքե՞ր են հարձակվել, մեր զրուցակիցն ասաց, որ հասկանում է, թե որ կողմից է փչում քամին. «Գիտեք ի՞նչ, ամեն ինչ հասկանալի է, թե որտեղից է փչում քամին։ Մինչեւ ուղնուծուծը քրիստոնյա լինելով հանդերձ ասում եմ` պոռնիկ եւ պիղծ, անիծյալ Գարեգին Բ-ն, որն ամեն ինչի ընդունակ է...»։

Տեսանյութն՝ այս հղմամբ։

Աննա Պապիկյան