Տոն կլինի այն ժամանակ, երբ քաղաքացին աշխատանք կունենա. Հրազդանում նշում էին քաղաքացու օրը
Հայաստանում առաջին անգամ ապրիլի վերջին շաբաթ օրը՝ այսօր, նշվում է որպես Քաղաքացու օր: Այս առիթով ապրիլի 27-ին Հանրապետությունում ամբողջ տարածքում նախատեսված են տոնական միջոցառումներ:
Կոտայքի մարզի Հրազդան քաղաքում եւս տեղի ունեցավ մեծ միջոցառում: Մարզի մի քանի համայնքներից ժամանել էին Հրազդան, ներկայացնելու պարային եւ տիկնիկային կատարումներ, ձեռքի աշխատանքների ցուցահանդեսներ: Միջոցառումը սկսվեց ծառատունկով, որին հաջորդեց մի շարք միջոցառումներ՝ արհեստների եւ արվեստների փառատոն, կինոցուցադրություն, հանդիպում գրողների հետ, համերգ՝ Սահմանդրական հրապարակում:
Օրը արեւոտ է, իսկ հրազդանցին՝ ժպտում է: Տոնի հետ կապված հրազդանցիները ասում էին՝ ուրախ են, եւ ցանկանում են փոփոխություներ տեսնել: Ոմանք էլ՝ կարծիք հայտնեցին, որ տոնը այն ժամանակ տոն կդառնա, երբ ՀՀ քաղաքացին աշխատանք կունենա, թոշակներն ու աշխատավարձը բարձր կլինի, իսկ ամենակարեւորը՝ վարկից ու բանկից հեռու լինեն:
Նկատեցինք, որ այսօր կրկնակի տոն է մանր –մունր առեւտրով զբաղվողների համար. «քաղցր բամբակ, շաքար աքլոր» կանչելով, հա՛մ տոնում էին քաղաքացու օրը, հա՛մ էլ՝ գումար աշխատում: Միջոցառմանը ներկա էին նաեւ Կոտայքի մարզի նորընտիր պարգամավորը:
Ծաղկաձորի, Չարենցավանի, Եղվարդի, Աբովյանի, եւ որոշ համայնքի ղեկավարներ չէին մասնակցում միջոցառմանը: Աբովյանի քաղաքապետ քաղաքապետ Վահագն Գեւրոգյան մեզ հետ զրույցում ասաց, որ քաղաքացու տոնը նշում է ընտանեկան եւ ընկերական շրջապատում, իսկ Հրազդանի միջոցառմանը Աբովյան քաղաքը ներկայացել է իր գեղարվեստի եւ պարի խմբերով:
«Մեր Չարենցավանի մշակույթի բաժինը ներկայացել է միջոցառմանը, տաղավար ենք վերցրել: Էսօր իմ որդու 25-ամյակն ենք նշում, մենք էլ միջոցառում ունենք, չստացվեց, որ ես ներկա լինեի»,-ասաց Չարենցավանի քաղաքապետ Հակոբ Շահգալդյանը:
Տոնը կշարունակվի մինչեւ ուշ երեկո: Սահմանադրության հրապարակում տեղի կունենա համերգ: Հրազդանի մյուս թաղամասերում անշուք էր, մարդիկ անգամ չգիտեին, թե ի՞նչ տոն է այսօր: Իսկ խորոված անող Հրազդանում այդպես էլ չեղավ:
Նշենք, որ ապրիլի 9-ին Ազգային ժողովը ընդունել էր «Տոների և հիշատակի օրերի մասին» ՀՀ օրենքում լրացում կատարելու մասին օրենքը՝ Քաղաքացու օրը սահմանելով տոն: Հայաստանի Հանրապետության քաղաքացու օրը նշվում է ապրիլի վերջին շաբաթ օրը: Մայիսի 1-ը շաբաթ օրվա հետ համընկնելու դեպքում Հայաստանի Հանրապետության քաղաքացու օրը նշվում է ապրիլի վերջին կիրակի օրը:
Կարծիքներ